പക്ഷേ, പ്രതീക്ഷിക്കുന്ന കൃത്യസ്ഥലത്തുള്ള വേദനയും നൊമ്പരവും പകുതിയോളം പേര്‍ക്ക് മാത്രമേ കാണുകയുള്ളൂ. റിട്രോസീക്കല്‍ അപ്പെന്‍ഡിക്സ് ഉള്ളവര്‍ക്ക് അസുഖം ഗുരുതര അവസ്ഥയിലെത്തുന്നതുവരെ വലിയ ലക്ഷണങ്ങള്‍ ഉണ്ടായില്ലെന്നും വരാം. രോഗനിര്‍ണ്ണയത്തിന് മറ്റു പല ലക്ഷണങ്ങളും പ്രയോജനപ്പെടുത്താറുണ്ട്.
അസുഖം മനസിലാക്കുന്നതിന് രോഗിയില്‍ നിന്ന് ലഭിക്കുന്ന വിവരം, ശാരീരികപരിശോധന, ലാബോറട്ടറി പരിശോധന ഇവയെല്ലാം കോര്‍ത്തിണക്കി നോക്കേണ്ടിവരും. രക്തപരിശോധന, അള്‍ട്രാ സൌണ്ട്, സി.റ്റി. സ്കാന്‍ എന്നിവ ചിലപ്പോള്‍ വേണ്ടിവന്നേക്കാം. എന്നാല്‍പോലും ചില സന്ദര്‍ഭങ്ങളില്‍ രോഗം വെളിപ്പെടാതെ തന്നെ ശസ്ത്രക്രിയ അനിവാര്യമായി വന്നേക്കാം. ചികിത്സിക്കുന്ന ഡോക്ടറുടെ പരിചയസമ്പത്ത് ഇത്തരം സന്ദര്‍ഭങ്ങളില്‍ അനുയോജ്യമായ തീരുമാനമെടുക്കുവാന്‍ സഹായിക്കും.
അതേസമയം, അപ്പെന്‍ഡിസൈറ്റിസ് പോലെയുള്ള ലക്ഷണങ്ങളുണ്ടാക്കി രോഗനിര്‍ണ്ണയം തെറ്റിക്കാന്‍ സാധ്യതയുള്ള ചില അസുഖങ്ങളുമുണ്ട്. അപ്പെന്‍ഡിസൈറ്റിസ് രോഗമാണെന്ന് മനസ്സിലായിക്കഴിഞ്ഞാല്‍ ആന്റിബയോട്ടിക് ചികിത്സയ്ക്കാണ് ആദ്യം മുതിരുക. അതേസമയം, ചിലരില്‍ അപ്പെന്‍ഡെക്റ്റമി ശസ്ത്രക്രിയയാവും വേണ്ടത്. ഏത് ചികിത്സയാണ് രോഗിയുടെ രോഗാവസ്ഥയ്ക്ക് വേണ്ടതെന്ന് അപ്പോഴുള്ള സാഹചര്യവും അവസ്ഥയും നോക്കി ഡോക്ടര്‍ക്ക് തീരുമാനിക്കേണ്ടിവരും.
0 comments:
Post a Comment
അഭിപ്രായങ്ങള്‍ രേഖപ്പെടുത്തൂ ..